اترپردیش میں پرتاپ گڑھ ضلع کے تھانہ سنگرام گڑھ پولیس نے گزشتہ بدھ و جمعرات کی شب پولیس پر حملہ کر تین کانسٹبلوں کو زخمی کرنے کے الزام میں 58 افراد کے خلاف سنگین دفعات میں کیس درج کر گیارہ ملزمان کو گرفتار کیا۔
پولیس سپرنٹنڈنٹ ابھشیک سنگھ نے بتایا کہ گزشتہ شب تھانہ سنگرام گڑھ علاقے کے بھوداس پور گاؤں میں دو فریقین میں تنازع کی اطلاع پر پہنچی پولیس پر لوگوں نے حملہ کردیا، جس میں کانسٹبل اکھلیش، منیش کمار اور روی یادو سمیت تین کانسٹبل زخمی ہوگئے۔
زخمیوں کو علاج کے لئے مقامی اسپتال میں داخل کرایا گیا۔ پولیس نے معاملے کو سنجیدگی سے لیتے ہوئے سنگین دفعات میں 28 کے نامزد و 25 - 30 نامعلوم کے خلاف کیس درج کر اجئے، سنیل، مان سنگھ، سندیپ، سنیل، راج، دیوراج، ہری لال، ننہے لال، رام کرپال اور راجو سمیت گیارہ ملزمان کو گرفتار کر جیل بھیجا۔
