ڈونلڈ ٹرمپ تاج محل میں ایک گھنٹہ گزاریں گے

امریکی صدر ڈونلڈ ٹرمپ اپنے دو روزہ بھارتی دورے پر احمد آباد ایئر پورٹ پہنچے جہاں نریندر مودی نے ان کا شاندار استقبال کیا جبکہ آج ہی شام ٹرمپ تاج محل کا دیدار کریں گے اس کے بعد وہ دہلی کے لیے روانہ ہوں گے۔

امریکی صدر سخت سکیورٹی کے درمیان احمد آباد انٹرنیشنل ایئر پورٹ پہنچے جہاں وزیراعظم نریندر مودی موجود تھے۔

ٹرمپ احمد آباد ایئر پورٹ سے بذریعہ کار سابرمتی آشرم جائیں گے اس کے بعد وہ آج ہی شام میں ساڑھے چار بجے آگرہ ایئر پورٹ پہنچیں گے جہاں اتر پردیش کے وزیراعلیٰ یوگی آدتیہ ناتھ اور ریاست کی گورنر آنندی بین پٹیل ٹرمپ کے استقبال کے لیے موجود رہیں گی۔

ڈونلڈ ٹرمپ آگرہ ایئر پورٹ سے تاج محل جائیں گے جہاں ایک گھنٹہ گزارنے کے بعد وہ دہلی کے لیے روانہ ہوں گے۔