شیو پال یادو کے بعد سماجوادی پارٹی کے قدآور لیڈر اعظم خاں کے حامیوں نے رامپور میں اکھلیش یادو کے خلاف محاذ کھول دیا ہے۔ سماجوادی پارٹی ضلع یونٹ کی میٹنگ میں کارکنان نے اعظم خاں کو اپوزیشن لیڈر نہ بنائے جانے پر ناراضگی ظاہر کی ہے۔ سیتاپور جیل میں تقریباً ڈھائی سال سے قید رامپور شہر کے ایم ایل اے اعظم خاں کے حامیوں کا درد آخر کار چھلک ہی گیا۔ سماجوادی دفتر دارالعوام میں گزشتہ روز ہوئی پارٹی کارکنان کی میٹنگ میں سماجوادی پارٹی کارکنان نے ایس پی سربراہ اکھلیش یادو کو لیکر ناراضگی ظاہر کی۔ انہوں نے الزام لگایا کہ اعظم خاں کے برے وقت میں ایس پی سربراہ نے ساتھ نہیں دیا۔ Upset with Akhilesh Yadav, Azam Khan may leave Samajwadi Party and form his own party
اعظم خاں کے میڈیا انچارج فصاحت علی خان شانو نے ایس پی کے قومی صدر اکھلیش یادو کو اپنی سخت تنقید کا نشانہ بناتے ہوئے کہا کہ اعظم خاں کے جیل سے باہر نہ آنے کی وجہ سے ہم لوگ سیاسی طور پر یتیم ہو گئے ہیں۔ ہم کہاں جائیں گے، کس کو بتائیں گے اور کس کو اپنا دکھ سنائیں گے۔ ہمارے پاس وہ سماجوادی پارٹی بھی نہیں ہے جس کے لئے ہم نے خون کا ایک ایک خطرہ بہایا ہے۔ ہمارے لیڈر اعظم خاں نے ایس پی کے لئے اپنی جان تک داؤ پر لگادی لیکن اکھلیش یادو نے اعظم خاں کے لیے کچھ نہیں کیا۔ ہمارے قومی صدر کو ہمارے کپڑوں سے بو آتی ہے۔
یہ بھی پڑھیں:
وہیں اس متعلق سماجوادی پارٹی کے ضلع صدر وریندر گوئل نے ای ٹی وی بھارت سے بات کرتے ہوئے کہا کہ پارٹی کارکنان کا غصہ واجب ہے۔ انہوں نے کہا کہ سیتاپور جیل میں قید ہمارے لیڈر اعظم خاں کی رہائی کے لئے اکھلیش یادو کوئی جدوجہد نہیں کر رہے ہیں۔ انہوں نے وزیر اعلیٰ یوگی آدتیہ ناتھ کا حوالہ دیتے ہوئے کہا کہ یوگی نے ٹھیک ہی کہا کہ اکھلیش یادو خود ہی نہیں چاہتے کہ اعظم خاں جیل سے باہر آئیں۔ ایس پی سربراہ سے پارٹی کارکنان کی ان ناراضگیوں سے اس بات کی قیاس آرائیاں تیز ہو گئی ہیں کہ اعظم خاں اب سماجوادی پارٹی کو جلد ہی الوداع کہہ دیں گے۔
