پریاگ راج : الہ آباد سنٹرل یونیورسٹی میں پیر کی شام اچانک تشدد پھوٹ پڑا۔ یونیورسٹی کیمپس کے اندر یونیورسٹی کے سابق اسٹوڈنٹ لیڈر وویکانند پاٹھک اور کیمپس کے سیکورٹی اہلکاروں کے درمیان کسی بات پر بحث کے بعد جھڑپ ہوئی۔ تصادم کے دوران طالب علم رہنما کے سر پر چوٹ آئی۔ جس سے طلبہ رہنما خون میں لت پت زمین پر گر گئے۔Uproar and Arson In Allahabad University
طالب علم کے زخمی ہونے کی اطلاع پر یونیورسٹی کے طلبہ مشتعل ہوگئے اور پتھراؤ شروع کردیا۔ اس واقعے کے بعد یونیورسٹی میں تشدد شروع ہوگیا، یونیورسٹی میں مشتعل طلباء نے توڑ پھوڑ کے ساتھ کیمپس میں 3 موٹر سائیکلوں اور کینٹین کو آگ لگا دی۔ طلباء کا الزام ہے کہ سیکورٹی اہلکاروں نے فائرنگ کے ساتھ ساتھ حملہ بھی کیا۔ واقعے سے برہم طلباء نے مطالبہ کیا کہ سیکیورٹی اہلکاروں کے ساتھ ساتھ دیگر ملزمان کے خلاف بھی مقدمہ درج کرکے انہیں گرفتار کیا جائے۔ اس مطالبے کو لے کر طلبہ یونین ہال میں دھرنے پر بیٹھ گئے ہیں۔
