اترپردشی کے ضلع میرٹھ کے تھانہ کھر کھودا علاقے میں موجود سابق وزیر حاجی یعقوب قریشی کی آل فہیم میٹ فیکٹری Haji Yaqub Qureshi's Al Fahim Meat Factory پر پولیس نے کارروائی کی ہے۔ پانچ روز قبل فیکٹری پر چھاپے کے دوران ساٹھ کنٹل کھلا گوشت پولیس نے برآمد کیا تھا، پولیس کے مطابق چھاپے میں برآمد گوشت کی غیر قانونی طور پر پیکجنگ کا کام کیا جا رہا تھا۔
ہمیشہ سے سرخیوں میں رہنے والے سابق وزیر یوپی حاجی یعقوب قریشی اس بار پھر اپنی میٹ فیکٹری آل فہیم میں غیر قانونی طریقے سے گوشت کی پیکجنگ کو لیکر سرخیوں میں ہے۔ واضح رہے کہ دو سال قبل حاجی یعقوب کی فیکٹری پر سیل کے باوجود میٹ پیکجنگ کا کام انجام دیا جا رہا تھا۔ شکایت پر فیکٹری میں چھاپے ماری کے دوران برآمد گوشت کے سڑنے سے بیماری پھیلنے کے خطرے کو پیش نظر آج جے سی بی سے گڈھا کھود کر گوشت کو زمیں دبانے کی کاروائی عمل میں لائی گئی۔ قریب ساٹھ کنٹل گوشت کو فیکٹری میں ہی گڈھا کھود کر تلف کر دیا گیا۔
یوپی کے سابق وزیر حاجی یعقوب قریشی کی میٹ فیکٹری پر پولیس کی کارروائی سے ایک بات صاف ہے کہ دوسرے ٹرم کی حکومت میں بلڈوزر والی کارروائی جاری ہے ایسے میں حاجی یعقوب قریشی کی فیکٹری پر کی گئی کارروائی کے بعد اب حاجی یعقوب قریشی کی مشکلیں بڑھتی جا رہی ہیں۔ اب دیکھنا ہوگا یوگی کا بلڈوزر کس کو اپنی زد میں لیتا ہے۔
یہ بھی پڑھیں: نجی چینل پر طالبانی لیڈر کی جگہ یعقوب قریشی کی تصویر لگانے سے بی ایس پی رہنما ناراض
