کانگریس رہنما راہل گاندھی، چھتیس گڑھ و پنجاب کے وزرائے اعلیٰ بھوپیش بگھیل اور چرنجیت چننی لکھیم پور کھیری تشدد میں ہلاک ہونے والے کسانوں کے اہل خانہ سے ملنے لکھنؤ روانہ ہو گئے ہیں۔ ریاستی حکومت نے انہیں لکھیم پور کھیری جانے کی اجازت بھی دی ہے۔
راہل گاندھی، بھوپیش بگھیل اور چرنجیت سنگھ چننی لکھیم پور کھیری تشدد متاثرین کے خاندانوں سے ملنے کے لیے لکھنؤ کے لیے فلائٹ میں سوار ہوئے ہیں۔
ریاستی حکومت نے کانگریس رہنما راہل گاندھی، پرینکا گاندھی سمیت پانچ کو لکھیم پور کھیری جانے کی اجازت دے دی ہے۔
اس سے قبل اترپردیش کی یوگی آدتیہ ناتھ حکومت نے راہل گاندھی کی قیادت میں کانگریس وفد کو لکھیم پور کھیری علاقے کا دورہ کرنے کی اجازت دینے سے انکار کر دیا تھا۔ واضح رہے کہ لکھیم پور کھیری کے تکونیا علاقے میں چار کسانوں سمیت آٹھ افراد کی ہلاکت کے بعد سیاسی ماحول گرم ہے۔
