بارہ بنکی: ٹریفک بیداری ماہ اختتام پزیر

ٹریفک بیداری پیدا کر سڑک حادثات کم کرنے کے مقصد سے گزشتہ یکم نومبر سے شروع ہوا ٹریفک ماہ اختتام پزیر ہو گیا ہے۔ اس موقع پر اسکولی طلبہ نے 'چیتنا ریلی' (بیداری ریلی) نکالی۔ اس کے بعد تمام ثقافتی پروگرام کے ذریعہ ٹریفک قوانین کے تئیں بیدار کرنے کی کوشش کی گئی۔

ٹریفک ماہ کے اختتامی تقریب کا آغاز بارہ بنکی کے کے ڈی سنگھ بابو اسٹیڈیم سے ہوا۔

یہاں سے ڈی ایم آدرش سنگھ نے طلبہ کے ذریعہ نکالی جانے والی چیتنا ریلی کو ہری جھنڈی دکھا کر روانہ کیا۔

یہ ریلی شہر کے مخطلف چوراہوں سے گزرتی ہوئی پولس لائین پر اختتام پزیر ہوئی۔ اس کے بعد پولس لائین میں بہار سگم سنگیت کے ذریعہ ثقافتی پروگرام پیش کر کے ٹریفک قوانین کے تئیں بیدار کیا گیا۔ اس موقع پر ڈی ایم آدرش سنگھ نے لوگوں سے ٹریفک قوانین کو ماننے کی اپیل کی۔