نوئیڈا: اتر پردیش نوئیڈا کانگریس کمیٹی Uttar Pradesh Noida Congress Committee کے سابق صدر شہاب الدین کی رہائش گاہ سیکٹر 9 پر اجلاس منعقد کیا گیا۔ بعد ازاں کانگریس پارٹی کی امیدوار پنکھوڑی پاٹھک کے لئے سیکٹر 8، 9، 10 میں عوامی رابطہ کرتے ہوئے کچی آبادیوں سے کانگریس پارٹی کے لیے ووٹ مانگے گئے۔ اس موقع پر کانگریس کے تمام سینئر لیڈران موجود تھے۔
اس موقع پر شہاب الدین نے کہا کہ سابقہ حکومتوں نے ریاست کو مذہب اور ذات پات میں تقسیم کر دیا ہے، جب کہ خواتین کو تحفظ فراہم کرنے میں بھی موجودہ حکومت ناکام رہی ہے۔
کانگریس واحد ایسی پارٹی ہے جو خواتین کو تحفظ دینے کے ساتھ ساتھ انہیں مین اسٹریم میں لانے کے لئے سرگرم عمل ہے اور 'لڑکی ہوں لڑ سکتی ہوں' کو سامنے رکھتے ہوئے خواتین کو ٹکٹ دے رہی ہیں۔
اسی سلسلے کو آگے رکھتے ہوئے کانگریس نے نوئیڈا سے پنکھوری پاٹھک کو ٹکٹ دیا ہے۔ اس لیے عوام کو بھی چاہیے کہ وہ کانگریس کو اقتدار میں لائے تاکہ خوشحال اور پرامن ماحول اور معاشرہ تشکیل دیا جا سکے۔
انہوں نے کہا کہ موجودہ بی جے پی حکومت نے بھائی کو بھائی سے لڑانے کا کام کیا ہے۔ ترقی کے بجائے ہندو مسلم اور مسجد مندر کا ایشو لا کر لوگوں کو گمراہ کیا۔
یہ بھی پڑھیں: نوئیڈا: کانگریس نے ڈینگی فری نوئیڈا مہم کی شروعات کی
نوئیڈا میں گھر گھر جا کر انتخابی تشہیر Congress Starts Door to Door Campaign in Noida کے موقع پر اے آئی سی سی ممبر راجکمار بھارتی، این ایس یو آئی کے ضلع صدر راجکمار مونو، کانگریس کے سینئر لیڈر چرن سنگھ یادو، بلاک صدر نیرج آوانہ، سبھاش پہلوان، سینئر سماجی کارکنان شامل تھے۔
