اناؤ قتل معاملہ: اگلے ہفتہ سنایا جائے گا فیصلہ

دہلی کی ایک عدالت نے آج اناؤں میں بی جے پی رہنما کلدیپ سنگھ سینگر کی جانب سے جنسی زیادتی کی شکار خاتون کے والد کے قتل معاملہ میں سماعت کو اگلے ہفتہ تک ملتوی کردیا جبکہ عدالت کی جانب سے آج اس معاملہ میں فیصلہ سنائے جانے کا امکان تھا۔

تین سال قبل کلدیپ سینگر نے ایک خاتون کو جنسی زیادتی کا نشانہ بنایا تھا جبکہ 9 اپریل 2018 کو خاتون کے والد کی عدالتی تحویل میں موت ہوگئی تھی۔

ضلعی جج دھرمیش شرما نے آج اس معاملہ کی سماعت کو اگلے ہفتہ تک ملتوی کردیا۔ تاہم فیصلہ اگلے ہفتہ بدھ کو سنایا جائے گا۔

واضح رہے کہ گذشتہ 20 دسمبر کو عدالت نے سینگر کو 2017 میں اس وقت نابالغ لڑکی کے ساتھ جنسی زیادتی کرنے کے معاملہ میں عمر قید کی سزا سنائی تھی۔