بارہ بنکی: مارفین کے ساتھ دو تسکر گرفتار

بارہ بنکی پولیس نے مارفین کے ساتھ دو تسکروں کو گرفتار کیا ہے، جن کے پاس سے پولیس کو سوا دو کلو مارفین کے ساتھ 2 لاکھ 10 ہزار روپے نقد اور ایک ہونڈا کار برآمد ہوئے ہیں۔

اتر پردیش کے ضلع بارہ بنکی کے رام نگر کوتوالی پولیس نے دو تسکروں کو سوا دو کلو مارفین کے ساتھ گرفتار کیا ہے۔ گرفتار ملزمین بہرائیچ، گونڈہ اور بلرامپور ضلع میں مارفین فروخت کرتے تھے۔


اس سلسلے میں ایڈشنل ایس پی اودھیش سنگھ نے بتایا کہ رام نگر تھانہ حلقے میں سرولانس ٹیم کی مدد سے چوکا گھاٹ ریلوے کراسنگ کے پاس سے محمد عمران اور واحد علی کو گرفتار کیا گیا ہے، جن کے پاس سوا دو کلو مارفین کے ساتھ 2 لاکھ 10 ہزار نقد اور ایک ہونڈا کار برآمد ہوئے ہیں۔

گرفتار دونوں ملزمین رامنگر تھانہ حلقے کے بڑنپور گاؤں کے رہائشی ہیں۔ پوچھ گچھ میں دونوں نے اعتراف کیا ہے کہ یہ دونوں مسولی تھانہ حلقہ کے بانسا کے رہائشی تاج محمد سے مارفین خرید کر آس پاس کے مختلف اضلاع میں فروخت کرتے تھے۔

پولیس ان کے دیگر ساتھیوں کی تلاش میں لگی ہے، پولیس کو اس معاملے میں اور بھی انکشاف کے امید۔