ریاست اترپردیش میں بجنور ضلع کے تھانہ کوتوالی دھرم پورہ مرادآباد سڑک پر سامنے آرہے تیز رفتار ٹرک نے ایک کار میں ٹکر مار دی، جس سے کار میں سوار پرکاش ویر اور اس بیوی سنیتا کی موت ہو گئی، جبکہ پرکاش ویر کی بھتیجی شدید طور پر زخمی ہو گئی۔
ٹرک ، کار کے مابین تصادم میں دو افراد ہلاک۔ ویڈیو
ذرائع کے مطابق پرکاش ویر اپنے بیوی اور بھتیجی کے ساتھ کار میں سوار ہوکر شادی کی تقریب میں شرکت کے واسطے سامان خریدنے بجنور جا رہے تھے ۔
اس دوران دھرم پورہ مرادآباد سڑک پر سامنے سے آرہی تیز رفتار ٹرک نے مہلوکین کے کار میں ٹکر ما ر دی جس کے سبب پرکاش ویر اور اس کی بیوی کی موقع پر ہی موت واقع ہو گئی جبکہ پرکاش ویر کی بھتیجی شدید طور پر زخمی ہوگئی۔
واقعے کی اطلاع ملتے ہی موقع واردات پر پہنچی پولیس نے لاش کو قبضے میں لے کر پوسٹ مارٹم کے لئے روانہ کر دیا جبکہ زخمی کو ہسپتال میں داخل کرایا گیا ہے ۔
