ریاست اترپردیش کے گوتم بدھ نگر نوئیڈا کے بیٹا 2 پولیس نے جمعہ کے روز بند گھروں سے زیورات، قیمتی سامان اور نقد چوری کرنے والے دو ملزمین تسلیم اور ساجد کو گرفتار کر لیا ہے۔ پولیس نے ملزمان سے لاکھوں روپے مالیت کے سونے اور چاندی کے زیورات بھی برآمد کیے ہیں۔
پولیس کے مطابق تسلیم اور ساجد کو جمعہ کے روز خفیہ اطلاع کی بنیاد پر گرفتار کیا گیا ہے۔ انہوں نے بتایا کہ ان کے پاس سے گریٹر نوئیڈا کے علاقے میں رہنے والے لوگوں کے گھروں سے چوری کئے گئے لاکھوں روپے مالیت کے سونے چاندی کے زیورات بھی ان کے پاس سے برآمد کئے گئے ہیں۔
تفتیش کے دوران پولیس کو معلوم ہوا کہ یہ لوگ بند مکانات کی ریکی کرتے تھے اور وہاں چوری کی واردات کو انجام دیتے تھے جبکہ ان کا تیسرا ساتھی دلشاد ابھی بھی فرار بتایا جا رہا ہے۔
فی الحال پولیس معاملے کی مزید تحقیقات کر رہی ہے۔
