ایودھیا میں مسجد تعمیر کے لیے ٹرسٹ نے کھولا بینک اکاؤنٹ

ای ٹی وی بھارت سے بات چیت کے دوران ٹرسٹ کے ترجمان اطہر حسین نے بتایا کہ یہ اکاؤنٹ آئی سی آئی سی آئی اور ایچ ڈی ایف سی بینک میں کھولے گئے ہیں۔ مسجد کے لیے عوامی چندہ کس بینک اکاؤنٹ میں جمع کیا جائے گا، ابھی اس کا فیصلہ نہیں لیا گیا۔

ریاست اترپردیش کے ایودھیا میں مسجد تعمیر کے لیے بینک اکاؤنٹ کھل گیا ہے۔ پانچ ایکڑ زمین پر مسجد کے علاوہ ہسپتال، کمیونٹی کچن، لائبریری اور ریسرچ سینٹر تعمیر ہوگا۔

ٹرسٹ کے ترجمان اطہر حسین

انڈو اسلامک کلچرل فاونڈیشن ٹرسٹ کے سیکریٹری و ترجمان اطہر حسین نے بتایا کہ ایودھیا کے دھنی پور گاؤں میں جو پانچ ایکڑ زمین پر مسجد کے علاوہ دیگر مفاد عامہ تعمیر ہوں گے اس کے لیے بینک اکاؤنٹ کھولا گیا ہے۔

ای ٹی وی بھارت سے بات چیت کے دوران ٹرسٹ کے ترجمان اطہر حسین نے بتایا کہ یہ اکاؤنٹ آئی سی آئی سی آئی اور ایچ ڈی ایف سی بینک میں کھولے گئے ہیں۔ مسجد کے لیے عوامی چندہ کس بینک اکاؤنٹ میں جمع کیا جائے گا، ابھی اس کا فیصلہ نہیں لیا گیا۔

قابل ذکر ہے کہ انڈو اسلامک کلچرل فاونڈیشن ٹرسٹ کے نام پر دونوں بینک اکاؤنٹ کھولے گئے ہیں۔