ریاست اترپردیش کے ضلع بجنور کے تھانہ سیوہارا میں اکھل بھارتی کسان یونین کے کئی رہنماؤں نے امریکی صدر ڈونلڈ ٹرمپ کے بھارت دورے پر آنے کو لے کر اعتراض جتایا ہے جسے لے کر ٹرمپ کا پتلا بھی نذر آتش کیا۔
بجنور میں ٹرمپ کا پتلا نذر آتش
کسانوں کا کہنا ہے کہ بھارت دورے پر آئے ٹرمپ سے اگر ہماری حکومت دباؤ کی وجہ سے کاروبار اور کھیتی کے تعلق سے کوئی سودا طے کرتی ہے تو بھارت کے کروڑوں کسانوں کی کھیتی اور زیادہ تباہ و برباد ہو جائے گی۔
کسانوں کا کہنا ہے کہ امریکی صدر یہ امید رکھتا ہے کہ امریکہ کاروبار کے لحاظ سے پھلے آگے بڑھے اور ترقی کرے، بھارت یا کوئی اور ملک ترقی نہ کر پائے، اسی مقصد سے احتجاج کیا جارہا ہے۔
