دیر رات یمنا ایکسپریس وے پر دنکور کوتوالی کے علاقے میں ٹرک ڈرائیور نے جھپکی آنے پر ڈیوائڈر کو عبور کر کے دوسری جانب جانے والی روڈ ویز بس کو ٹکر مار دی۔ سکندر آباد ڈپو کی روڈ ویز بس لکھنؤ سے دہلی جارہی تھی۔ حادثے میں ٹرک ڈرائیور اور آپریٹر سمیت بس میں سوار 15 مسافر زخمی ہوگئے۔
بس ڈرائیور کی جانب سے دنکور کوتوالی میں شکایت درج کی گئی ہے جس میں ٹرک ڈرائیور پر غفلت سے ٹرک چلانے کا الزام عائد کیا گیا ہے۔ پولیس اس معاملے کی تحقیقات کر رہی ہے۔
پولیس کے مطابق جمعہ کی دیر رات ایک ٹرک نوئیڈا سے آگرہ جا رہا تھا جب دنکور کے علاقے میں ٹرک سالار پور انڈر پاس کے قریب پہنچا تو ڈرائیور کو نیند کی جھپکی آئی۔ جس سے ٹرک بے قابو ہوکر ڈیوائڈر کر دوسری جانب لکھنؤ سے دہلی جانے والی سکندرآباد روڈ ویز بس سے ٹکرا گیا۔
حادثے میں ٹرک ڈرائیور اور آپریٹر کے علاوہ روڈ ویز بس ڈرائیور راجو، کرشن پال اور آپریٹر مناذر سمیت 15 کے قریب مسافر زخمی ہوگئے۔ بس میں قریب 40 مسافر سوار تھے۔
تصادم اتنا شدید تھا کہ ٹرک اور بس کو کافی نقصان پہنچا۔ غنیمت رہی کہ اس حادثے میں کسی کی موت نہیں ہوئی۔
