مودی کی قابل اعتراض فوٹو پوسٹ کرنے کے الزام میں مقدمہ

ضلع بستی میں فیس بک پر ایک قابل اعتراض پوسٹ کرنے کے الزام میں ایک شخص کے خلاف مقدمہ درج کیا گیا ہے۔ وہ پوسٹ وزیر اعظم نریندر مودی کے بارے میں کی گئی تھی۔

اترپردیش کے ضلع بستی کے رودولی علاقے میں جمعرات کو وزیر اعظم نریندر مودی کی قابل اعتراض فوٹو فیس بک پر پوسٹ کرنے کے الزام میں ایک شخص کے خلاف مقدمہ درج کیا گیا ہے۔

پولیس ذرائع نے بتایا کہ رودولی علاقے کے ایک شخص کی جانب سے وزیر اعظم نریندر مودی کی قابل اعتراض فوٹو فیس بک پر پوسٹ کر کے سماج میں منافرت پھیلانے کی ناکام کوشش کی گئی ہے۔

اس معاملے میں وجے نارائن تیواری باشندہ دین دیال اپادھیائے نگر رودولی کے ذریعہ بشیر خان باشندہ دسیا گاؤں کے خلاف آئی پی سی کی دفعہ 500 اور آئی ٹی ایکٹ کی دفعہ 67 کے تحت مقدمہ درج کیا گیا ہے۔ پولیس معاملے کی جانچ کررہی ہے۔