مرکزی اور ریاستی حکومتوں کی مزدور اور کسان مخالف پالیسیوں کے خلاف مختلف ٹریڈ یونینوں نے سیکٹر 3پارک میں مشترکہ کنونشن کا انعقاد کر کے اعلان کیا ہے کہ 26 نومبر 2020 کو ملک گیر احتجاجی مظاہرے کے دوران گوتم بودھ نگر کا پورا چکہ جام کیا جائے گا۔
مشترکہ کنونشن سے خطاب کرتے ہوئے ٹریڈ یونین رہنماؤں کا کہنا تھا کہ ٹریڈ یونینوں اور پارلیمانی نظام کی وسیع پیمانے پر مخالفت کے باوجود ورکنگ اوقات کو 8 گھنٹے سے توسیع کر کے 12 گھنٹہ کیا جانا، مزدور اصلاحات کے نام پر موجودہ مزدور قوانین کو 4 لیبر کوڈ میں تبدیلی، 'ہائر این فائر' کو قانونی حیثیت دینا ، تعمیراتی مزدوروں کے فلاحی بورڈ پر حملہ ،ڈومیسٹک ورکرز کے کام کو لیبر کوڈ سے باہر رکھنا، سرکاری اداروں میں نجی شراکت داری بڑھانے کے خلاف ملک گیر ہڑتال کا اعلان کیا گیا ہے۔
انہوں نے مزید کہا ہے کہ کووڈ وبا کی آڑ میں فیکٹریاں اور ادارے بڑے پیمانے پر بند کردیئے گئے ہیں اور تنخواہوں میں کٹوتی کی جارہی ہے جسے برداشت کرنا ناگزیر ہے۔
واضح رہے کہ 2 اکتوبر کو ورچوئل نیشنل کنونشن کے دوران ٹریڈ یونین نے 26 نومبر 2020 کو ملگ گیر احتجاج کرنے کا اعلان کیا تھا۔ ٹریڈ یونینوں نے حکومتی پالیسیوں کے خلاف 26 نومبر کو احتجاج کریگی ۔
