دیوریا: ریاست اتر پردیش کے دیوریا ضلع کے صدر کوتوالی علاقے میں پیر کی علی الصبح ایک دو منزلہ پرانا مکان اچانک گر گیا جس سے ایک ہی خاندان کے تین افراد کی دب کر موت ہو گئی۔ اس واقعہ پر اظہار افسوس کرتے ہوئے وزیر اعلیٰ یوگی آدتیہ ناتھ نے ضلع انتظامیہ کو راحت اور بچاؤ کام شروع کرنے کی ہدایت دی ہے۔ House Collapse in Deoria
پولیس کے مطابق دیوریا شہر میں علی الصبح جب مکان گرا تو سبھی سو رہے تھے۔ اس حادثے میں ایک بچی اور اس کی ماں اور والد کی موت ہو گئی۔ پولیس کے مطابق مکان بہت پرانا اور خستہ حال تھا۔
یہ بھی پڑھیں: House Collapses in Anantnag اننت ناگ میں مکان گر جانے سے تین ہلاک
وزیر اعلی کے دفتر سے موصولہ اطلاع کے مطابق وزیراعلی یوگی آدتیہ ناتھ نے مرنے والوں کے سوگوار خاندان سے تعزیت کا اظہار کیا ہے۔ انہوں نے دیوریا کے ضلع مجسٹریٹ اور سینئر پولیس افسران کو فوری طور پر موقع پر پہنچنے کی ہدایت دی ہے۔ ساتھ ہی امدادی فنڈ سے مرنے والوں کے لواحقین کو چار لاکھ روپے کی امدادی رقم دینے کی بھی ہدایت دی گئی ہے۔
یو این آئی
