سڑک حادثے میں تین افراد ہلاک

سائکل سوار بچے کو بچانے کی کوشش میں ایک کار کے تالاب میں پلٹ جانے سے تین افراد کی موت ہو گئی۔

ریاست اترپردیش کے ضلع علی گڑھ کے شتابدی نگر علاقے کے قوارسی بائی پاس ایک سڑک حادثہ پیش آیا۔

ایک سائیکل سوار بچے کو بچانے کی کوشش میں سنیچر کو ایک کار بے قابو ہوکر سڑک کے کنارے تالاب میں پلٹ گئی، جس کی وجہ سے یہ حادثہ پیش آیا۔ اس حادثے میں کار میں سوار تین افراد ہلاک ہو گئے۔

مقامی افراد نے کار سوار افراد کو کار سے باہر نکال کر اسپتال پہنچایا جہاں ڈاکٹروں نے انہیں مردہ قراردے دیا۔ مہلوکین کی شناخت لال سنگھ ،بنوای لال(دونوں بینک ریٹائرڈ ملازم ہیں) اور نندن سنگھ کے طو رپر ہوئی ہے۔

یو پی حکومت لگاتار سڑک حادثات پر قابو پانے کی کوشش کر رہی ہے لیکن حالات ایسے ہیں کہ حادثات میں کمی نہیں ہو رہی ہے۔

ملک بھر میں سڑکوں کی حالت بد سے بدتر ہے، جس کی وجہ سے ہر سال سڑک حادثات میں لاکھوں کی تعداد میں افراد ہلاک ہوتے ہیں۔