بھارتی ریاست اترپردیش کے ضلع بنارس کے بڑا گاؤں تھانہ علاقے کے بابت پور سڑک پر اوور بریج پر بے قابو ہو کر ایک پیک اپ (گاڑی) پلٹ گئی ۔اس حادثے میں تین لوگوں کی موقع پر ہی موت ہوگی جبکہ پانچ افراد شدید طور پر زخمی ہوگئے.
یہ پیک اپ گاڑی بارہ بنکی سے بنارس پان لےکر آ رہی تھی۔
تفصیلات کے مطابق، اس میں 5 تاجر اور کچھ مزدور سوار تھے، یہ تاجر ریاست اتر پردیش کے ضلع بارہ بنکی اور لکھنو کے بتائے جا رہے ہیں، بارہ بنکی سے پان لے کر بنارس آ رہے تھے اسی دوران ہر ہووا پولیس چوکی کے اوور بریج پر پیکپ چانک بے قابو ہو کر حادثے کا شکار ہوگئی.
پیکپ میں پیچھے بیٹھے تاجر اور مزدور اوور بریج پر بنے ڈیوائیڈر سے ٹکرا گئے۔
حادثے کی اطلاع ملتے ہی پولیس موقع پر پہنچی اور زخمیوں کو نجی ہسپتال میں داخل کرایا گیا جہاں ڈاکٹروں نے تین افراد کو مردہ قرار دیا جبکہ پانچ زخمیوں کا علاج جاری ہے۔
