ٹرک اور کار کی ٹکر، تین افراد کی موت

فتح آباد کے علاقے میں واقع پولیس اسٹیشن کے قریب سڑک حادثے میں کار میں سوار تین افراد موقع پر ہی دم توڑ گئے اور ٹرک اور کار کے حادثے میں سائیکل سوار شدید زخمی ہوگیا۔ جسے علاج کے لئے آگرہ اسپتال بھیج دیا گیا ہے۔

منگل کی صبح آگرہ کے تحصیل فتح آباد کے علاقے کنڈول میں پٹرول پمپ کے قریب ایک بڑا سڑک حادثہ ہوا۔ واقعے کی اطلاع ملنے پر پولیس انتظامیہ کے اعلی عہدیدار موقع پر پہنچ گئے۔

تھانہ علاقے کے کنڈول کے پٹرول پمپ سے ایک کار نے پیٹرول بھر کر جیسے ہی یہ سڑک پر پہنچی تیز رفتار سے آرہے ٹرک نے کار کو ٹکر مار دی۔ کار میں سوار 3 افراد موقع پر ہی دم توڑ گئے۔ قریبی لوگ موقع پر پہنچ گئے واقعے کی اطلاع ملتے ہی پولیس نے راہ گیروں کی مدد سے لاش کو پوسٹ مارٹم کے لئے بھیج دیا ۔

سی او فتح آباد وی ایس ویر کمار ، ایس پی ایسٹ اشوک بینکٹ۔ پولیس فورس کے ساتھ جائے وقوعہ پر پہنچے۔ جاں بحق افراد کی شناخت کے لئے کوششیں کی جارہی ہیں۔