قربانی کے جانوروں کی خرید و فروخت میں کمی

عیدالاضحیٰ کے نزدیک آتے ہی ہر شہراور گاؤں کے چوراہوں پر بڑے اور چھوٹے جانوروں کا بازار لگ جاتا ہے۔ جگہ جگہ لگنے والے بکرا بازار کی وجہ سے خرید و فرخت میں کمی دیکھنے کو مل رہی ہے۔

اس سال عیدالاضحیٰ پورے ملک میں بارہ اگست کو منائی جائیگی۔

گزشتہ سالوں کی طرح اس سال بھی قربانی کے جانوروں کی خرید و فروخت کا بازار مندا دکھائی دے رہا ہے حالانکہ قربانی کے جانوروں کی قیمتیں آسمان کو چھو رہی ہیں لیکن ان جانوروں کو خریدنے والے نہیں دکھائی دے رہے ہیں۔ بازار میں خریداروں کی بھیڑ لگی ہے اور نا ہی قربانی کے جانور بیچنے والے لوگ دکھائی دے رہے ہیں۔

ایک گاہک نے بتایا کہ وہ ہر سال اپنے اہل خانہ کے لیے تقریبا 4 یا 5 بکرے خریدتا تھا لیکن بکرا بازاروں میں قربانی کے جانوروں کی قیمت آسمان کو چھو رہی ہے اور بکرا بیچنے والے بھی بہت کم دکھائی دے رہے ہیں اسی وجہ سے انہوں نے اس سال صرف دو ہی بکرے خریدے ہیں۔

مقامی لوگوں کا کہنا ہے کہ قربانی کے جانوروں کی خرید و فروخت میں کمی کی ایک وجہ پولیس اور انتظامیہ کی دخل اندازی بھی ہے۔ حکام کئی ایسے علاقوں میں عارضی بکرا بازار لگانے کی اجازت نہیں دیتے جہاں یہ بازار ماضی میں روایتی طور لگائے جاتے تھے۔

ریاست اترپردیش میں مرادآباد عیدگاہ روڈ پر ہر سال لگنے والے بکرا بازار کو پولیس آئے دن ہٹا دیتی ہے اس وجہ سے بھی بکرا خریدار اور بکرا بیچنے والے بھی بے حد پریشان ہیں۔