اترپردیش میں 59 گھنٹے کے لاک ڈاؤن کے دوران رامپور ضلع کے ڈیم ایم نے ضلع کے مختلف مقامات اور صحتی مراکز پر پہنچ کر مریضوں کے لیے بیڈ اور آکسیجن کی فراہمی کا جائزہ لیا۔ ساتھ ہی رامپور رضا لائبریری پہنچ کر اس کو سینیٹائز بھی کرایا۔
رامپور میں بھی 59 گھنٹوں کا لاک ڈاؤن جاری ہے۔ یہ لاک ڈاؤن جمعہ کے روز رات 8 بجے شروع ہوا ہے جو پیر کی صبح 7 بجے تک جاری رہے گا۔ اس دوران رامپور کے ضلع کلیکٹر رویندر کمار مندار مختلف صحتی مراکز کا دورہ کر صحتی آلات خصوصی طور پر آکسیجن کی فراہمی اور سلینڈروں کی درستگی کا جائزہ لیے۔
صحافیوں سے بات کرتے ہوئے انہوں نے کہا کہ ان کے پاس ضلع کے تمام صحتی مراکز پر مکمل بیڈ موجود ہیں اور آکسیجن کے سلینڈروں کی مقدار کو بھی بڑھانے کی کوشش کی جا رہی ہیں۔ جہاں آکسیجن کے آلات میں مرمت کی ضرورت تھی وہ بھی ان کے ذریعہ کرائی جارہی ہے۔ جس سے ایمرجنسی کے حالات میں آسانی سے استعمال جا سکے۔
آپ کو بتا دیں کہ رامپور میں کورونا پازیٹیو مریضوں کی تعداد خبر لکھے جانے تقریباً 750 ہے۔
اس دوران ضلع انتظامیہ رویندر کمار مندار رامپور رضا لائبریری بھی پہنچے جہاں انہوں نے اس کو سینیٹائز بھی کرایا۔ اس بارے میں انہوں نے کہا کہ لائبریری میں باہر سے سیاح بھی آتے ہیں اس لئے اس کو سینیٹائز کیا جانا بہت ضروری ہے۔
