نوئیڈا:گوتم بدھ نگر میں سیکورٹی کے نظام کو مضبوط بنانے کے لیے کمشنریٹ سسٹم نافذ کیا گیا تھا، اس کے تحت گوتم بدھ نگر کو تین مختلف زونوں میں تقسیم کیا گیا تھا۔ جس میں نوئیڈا، سنٹرل نوئیڈا اور گریٹر نوئیڈا شامل ہیں۔ میونسپل الیکشن ہو رہے ہیں، زیادہ تر میونسپل الیکشن کا علاقہ گریٹر نوئیڈا زون میں آتا ہے۔ دادری، ربوپورہ، جیور اور بلاسپور قصبات میں انتخابات ہو رہے ہیں۔ یہاں سیکورٹی کا نظام نئے آئی پی ایس افسر سعد میاں خان کو سونپا گیا۔
یہ آئی پی ایس افسر اپنی ذمہ داری کو نبھانے میں کوئی کسر نہیں چھوڑ رہے ہیں۔ اس آئی پی ایس افسر نے انتخابات کے دوران لگائے جانے والے الزامات اور جوابی الزامات سے خود کو بچا کر سیاسی جماعتوں کے نمائندوں کا دل جیت لیا ہے۔
دادری کو گوتم بدھ نگر کا سب سے حساس علاقہ مانا جاتا ہے۔ دادری میں اس آئی پی ایس افسر نے سیکورٹی کو کافی مستحکم کر رکھا ہے۔ دراصل یہ آئی پی ایس آفیسر گریٹر نوئیڈا زون کے ڈی سی پی سعد میاں خان ہیں۔ سعد میاں خان اگرچہ نئے آئی پی ایس ہیں لیکن وہ جس انداز میں الیکشن سیزن کے دوران سکیورٹی انتظامات قابل تعریف ہے۔ وقتاً فوقتاً پولیس کمشنر لکشمی سنگھ انہیں ہدایات ضرور دیتی ہیں لیکن زمینی سطح پر سعد میاں خان اپنے طرز عمل اور دور اندیشانہ سوچ سے انتخابات کو پرامن بنانے میں کامیاب ہو رہے ہیں۔
گوتم بدھ نگر میں انتخابات آسانی سے ہوتے ہیں، شہری علاقوں کے لوگ سمجھدار ہیں اور کسی کے بہکاوے میں نہیں آتے۔ اس کے برعکس دیہی علاقوں میں پولیس کو سیکورٹی کے نظام کو مضبوط بنانے کے لیے سخت جدوجہد کرنی پڑتی ہے۔ یہی وجہ ہے کہ دیہی علاقے ایک چیلنج بن گئے ہیں۔یہ جتنے بھی قصبات ہیں وہاں ملی جلی آبادی ہے اور قصبہ دادری میں خاص کر مسلمانوں کی اچھی خاصی تعداد پائی جاتی ہے اور بڑی آبادی بھی موجود ہے بلاسپور اور ربو پورہ میں بھی مسلم ووٹروں کا تناسب خاصہ ہے۔ایسے میں سعد میاں خان اپنی دور اندیشی اور انتظامی ا مور کو بروکار لاتے ہوئے بہترین طریقہ سے اپنا کام سرانجام دے رہے ہیں جو سب کے لیے قابل قبول ہے۔
