سرکاری ذرائع نے بتایا کہ سریو ندی خطرے کے نشان 92.730 کے بدلے 92.480 پر بہہ رہی ہے۔ ندی کی آبی سطح خطرے کے نشان سے 25 سینٹی میٹر نیچے بہ رہی ہے لیکن تیز کٹائی سے کئی گاؤں کو خطرہ پیدا ہوگیا ہے۔
باگھا نالا،بھرتپور،چاند پور،سندل پور،چھتونا،دلاس پور گاؤں میں بوئی گئی فصلوں کی زمین کو ندی مسلسل کاٹ رہی ہے اس سے علاقائی شہری اور کسان پریشان ہیں۔
ذرائع نے بتایا کہ سریو ندی شاردا بیراج سے 39395 کیوسیک،گرجا بیراج سے111207 کیوسیک اور سریو بیراج سے 9710 کیوسیک پانی چھوڑا گیا ہے جس سے ندی کی آبی سطح میں معمولی اضافہ ہوسکتا ہے۔
بلاک کا کام کرنے والے افسروں کے مطابق سریو ندی کے سبھی ساحلی باندھ پوری طرح سے محفوظ ہیں۔ باندھوں کی حفاظت کے لئے رات دن چوکسی برتی جارہی ہے۔ حساس مقامات پر سی سی ٹی وی کیمرا لگاکر سریو ندی کی سرگرمیون پر نظر رکھی جارہی ہے۔ سیلاب سے بچاؤ اور راحت کا کام کرنے کےلئے محکمہ محصولات کے ملازمین کو محتاط کردیاگیا ہے۔
