Bareilly Sharif Dargah: درگاہ اعلیٰ حضرت میں تعینات پولیس اہلکار کے خلاف جھوٹی شکایت کی تحقیقات

درگاہ اعلیٰ حضرت کے سربراہ سبحان رضا خاں سبحانی میاں نے اس بیان کی تردید کی جس میں کسی نے ان کے نام کا غلط استعمال کرکے درگاہ میں تعینات پولیس اہلکاروں کے خلاف اعلی افسران سے شکایت کی ہے۔ سبحانی میاں نے انتظامیہ سے اس معاملے کی تحقیق کرنے کا مطالبہ کیا ہے Aala Hazrat, Ahmed Raza Khan Barelvi۔

اترپردیش کے بریلی میں مرکز اہلسنت درگاہ اعلیٰ حضرت امام احمد رضا خاں فاضل بریلوی کے سربراہ حضرت سبحان رضا خاں سبحانی میاں کے نام سے کسی نے درگاہ کی حفاظت میں تعینات دو پولیس اہلکاروں کے خلاف اعلیٰ افسران سے شکایت کی ہے۔ پولیس لائن میں ریزو انسپیکٹر آر آئی نے دونوں پولیس اہلکاروں کو طلب کر کے سرزنش کیا۔ اس کے بعد کال کرنے والے موبائل نمبر کی تحقیقات شروع ہو گئی ہے Complaint of a police officer stationed at Dargah Aali Hazrat Barelvi۔

درگاہ اعلیٰ حضرت میں تعینات پولیس اہلکار سے انتظامیہ مطمئن

بریلی پولیس کو گزشتہ 22 اپریل ایک کال موصول ہوئی تھی اور کال کرنے والے نے خود کو درگاہ کا سربراہ سبحانی میاں بتایا تھا اور اس نے نے درگاہ پر تعینات پولیس اہلکاروں کے بابت بتایا کہ ان پولیس اہلکاروں کے کام سے وہ مطمئن نہیں ہیں۔ اس کے بعد درگاہ کی حفاظت میں تعینات دونوں پولیس اہلکاروں کی سرزنش کی گئی تھی لیکن جب یہ معاملہ سبحانی میاں تک پہنچا تو انہوں نے کسی طرح کا کال کرنے سے انکار کردیا جس کے بعد اس سلسلہ میں تحقیقات کی جارہی ہے۔ اس کے بعد شہر کوتوالی پولیس کو معاملے کی اطلاع دی گئی تو معلوم ہوا کہ اسی نمبر سے شہر کوتوالی کے ایس ایس آئی کو بھی فون کیا گیا تھا۔ یہ معاملہ ضلع کے اعلیٰ افسر ایس ایس پی روہت سنگھ سجوان تک پہنچا تو اُنہوں نے شہر کوتوال ہمانشو نگم سے معاملہ میں ضرورت اقدام اُٹھانے کے احکامات دیئے۔ شہر کوتوال نے اس معاملہ میں این سی آر درج کر لی ہے۔

بہرحال درگاہ اعلیٰ حضرت کے سربارہ حضرت سبحانی میاں نے واضح کیا ہے کہ اُنہوں نے اس معاملے میں پولیس لائن کے آر آئی کو کوئی فون نہیں کیا تھا اور وہ دونوں پولیس اہلکاروں کی تعیناتی، کام اور مستعدی سے بالکل مطمئن ہیں۔ اُنہوں نے اس معاملہ میں تحقیقات کرنے کو ضروری کارروائی بتایا ہے۔