ریاست اترپردیش کے ضلع پیلی بھیت کے جہان آباد علاقے میں آج ایک دل دہلانے والا واقعہ پیش آیا، چھ سالہ ایک معصوم بچی کے ساتھ عصمت دری کے الزام میں اس کے ٹیچر کو گرفتار کر کے جیل بھیج دیا گیا۔
سپرنٹنڈنٹ آف پولیس جے پرکاش نے بتایا کہ ایک بچی کے ساتھ عصمت دری کی اطلاع ملی تھی۔ اس کے بعد پولیس نے دو ملزمین کے خلاف مقدمہ درج کر کے اسے گرفتار کرلیا ہے۔ ملزم کے خلاف سخت کاروائی کی جائے گی۔
مزید پڑھیں:
یوپی کے ہر ضلع میں ہوگا اینٹی ہیون ٹریفکنگ تھانہ
انہوں نے بتایا کہ بچی کو میڈیکل جانچ کے لئے ضلع اسپتال بھیجا گیا ہے۔ گاؤں میں گجیندر نامی ٹیچر اپنے گھر چھوٹے بچوں کو ٹیوشن پڑھاتا ہے۔ اس نے ٹیوشن کے بعد چھ سالہ بچی کو روک لیا اور حیوانیت کو انجام دیا۔ بچی خون سے لت پت کسی طرح گھر پہنچی اور اپنی ماں کو پورا ماجرا کہہ سنایا۔ جس کے بعد پولیس کو اطلاع دی گئی۔ پولیس نے معاملے کی سنگینی کو دیکھتے ہوئے فورا رپورٹ درج کی اور ملزم کو گرفتار کرلیا۔
