لکھنؤ کے علاقہ بالا گنج کے آدرش نگر میں واقع غوثیہ جامع مسجد میں رمضان شروع ہوتے ہی نماز تراویح کا اہتمام کیا گیا۔ جہاں پانچ راتوں میں قرآن پاک مکمل کیا گیا۔ مسجد کے امام و خطیب قاری صغیر نے قرآن مکمل کرکے تمام روزہ داروں کے لیے خصوصی دعا بھی مانگی۔ اس موقع سے معروف عالم دین سید طلحہ میاں نے ای ٹی وی بھارت سے بات چیت کرتے ہوئے قرآن اور رمضان کے فضائل اور اس کی اہم عبادات کے بارے میں روشنی ڈالی۔ Taraweeh at Ghousia Jama Masjid in Lucknow
سید طلحہ میاں نے کہا کہ رمضان المبارک مقدس مہینہ ہے اس مہینے میں کثرت سے عبادت کرنی چاہیے۔ انہوں نے کہا کہ قرآن پاک تراویح میں سننا سنت ہے۔ آج تراویح میں قرآن مکمل ہوا ہے لیکن تراویح مکمل نہیں ہوئی ہے، لہٰذا تمام لوگوں کو چاہیے کہ آخری رمضان تک تراویح کی نماز پڑھیں کیونکہ تراویح پڑھنا بھی اللہ کے رسول کی سنت ہے۔ انہوں نے کہا کہ رمضان کا مقدس مہینہ جس میں شب قدر ہے رب العزت نے شب قدر کی رات میں قرآن کو نازل کیا اس رات میں عبادت کرنی چاہیے، غریب مسکین یتیم اور فقیروں کا خاص خیال رکھنا چاہیے۔
انہوں نے حضرت عائشہ رضی اللہ تعالیٰ عنہا سے مروی حدیث کا ذکر کرتے ہوئے کہا کہ اللہ کے رسول رمضان المبارک کے مہینے میں خوب سخاوت کرتے تھے۔ غریب مسکین کا خاص خیال رکھتے تھے۔ لہٰذا ہم سب کو چاہیے کہ اس مہینے میں اپنے دولت سے زیادہ سے زیادہ ضرورت مند لوگوں تک پہنچائیں۔ مالک نصاب اپنے مال کا زکوٰۃ اور فطرہ کی ادائیگی کریں جو ضرورت مندوں تک پہنچے۔
یہ بھی پڑھیں:
- Ramadan 2022: نماز تراویح خواتین کے لیے بھی ضروری
- Mufti Abul Irfan On Taraweeh Namaz: پانچ دن میں تراویح میں قران مکمل کرنا درست نہیں، شہر قاضی
انہوں نے کہا کہ اگر کوئی شخص زکوٰۃ نکالتا ہے لیکن ضرورت مند تک نہیں پہنچتا تو اس کی زکوٰۃ ادا نہیں ہوگی۔ اس ماہ میں دینی تعلیمی ادارے کا خاص خیال رکھیں آپ کے زکوٰۃ کے پیسے سے قوم کو حافظ و قاری عالم ملے گا جو دین کی تبلیغ و اشاعت میں مصروف ہوتا ہے۔ ختم قرآن کے موقع پر مسجد کمیٹی مسجد انتظامیہ کے اہم ذمہ داری سید احمد میاں، تاج محمد، عتیق احمد، محمد سیف حافظ افتخار حافظ، سید افضال، محمد آزاد، عظیم، سمیت متعدد افراد شریک رہے ختم قرآن کے بعد نعت و منقبت کی محفل منعقد ہوئی اس کے بعد دعا پر پروگرام کا اختتام ہوا۔
