چاند دیکھ کر روزے شروع کرنا اور چاند دیکھ کر عیدین وغیرہ کا اہتمام کرنا مسلمانوں کی قدیم اسلامی روایت کا حصہ ہے۔ دنیا کے تمام خطوں میں چاند الگ الگ اوقات میں نظر آتا ہے اور اسی کے حساب سے مسلمان اپنی عبادات کا اہتمام کرتے ہیں۔
لیکن رامپور میں معروف اسلامی اسکالر اور غیر مسلموں کے درمیان اسلام کی دعوت کو عام کرنے والے ڈاکٹر سید عبداللہ طارق کا ماننا ہے کہ جب کائنات میں موجود مختلف سیاروں، سورج اور چاند کے طلوع اور غروب ہونے کا علم اور اس کا حساب انسان سمجھ چکا ہے تو اب ہمیں اسی حساب کے تحت چاند کی تاریخوں کا علم ہونا چاہئے۔
انہوں نے چاند سے متعلق حدیث کا ذکر کرتے ہوئے کہا کہ پیغمبر حضرت محمد صلی اللہ علیہ وسلم نے امت کے علم کو دیکھتے ہوئے یہ کہا تھا کہ 'ہم امی لوگ ہیں اور ہم حساب لکھنا اور پڑھنا نہیں جانتے، اس لئے چاند دیکھ کر روزہ رکھو اور چاند دیکھ کر روزہ چھوڑو'۔
عبداللہ طارق نے کہا کہ سائنسی معلومات سے چاند کے ایک ایک منٹ کا حساب اجاگر ہو چکا ہے کہ اس وقت یا ایک سال بعد چاند کہاں ہوگا اور کیا تاریخ ہوگی۔
مزید پڑھیں:
پاکستان اور کشمیر میں منائی جارہی ہے آج عید الفطر
انہوں نے کہا کہ چاند کو دوربین وغیرہ سے ڈھونڈنے کے بجائے اس کے حساب کے طریقہ کو سیکھنا چاہئے۔
