ریاست اترپردیش کے نوئیڈا میں حکومت کی اراضی کی ملکیت اسکیم کے تحت محکمہ محصولات کی ٹیمیں گوتم بدھ نگر کے مختلف دیہی علاقوں میں دیہی آبادی کا سروے کا کام کر رہی ہیں۔
نوئیڈا: اراضی ملکیت اسکیم کے تحت دیہی علاقوں کا سروے
اس ضمن میں آج ڈپٹی ڈسٹرکٹ مجسٹریٹ پرسون دویدی کے ذریعہ تشکیل کردہ محصول ٹیم، جس میں لیکھپال نریش شرما اور ڈی پی شرما اور دیگر ملازمین گاؤں لطیف پور پہنچے، جہاں انہوں نے گاؤں کے لوگوں کو حکومت کی اسکیم کے بارے میں معلومات فراہم کیں اور وہاں سروے کے کام کو بھی انجام دیے۔
یہ بھی پڑھیں: کینیڈا کے وزیراعظم کا ایک بار پھر کسانوں کے احتجاج پر تبصرہ
واضح رہے کہ گاؤں کی پرانی آبادی کا کسانوں کے پاس کوئی ریکارڈ نہیں ہوتا ہے، اس اسکیم کے تحت گاؤں کے لوگوں کی آبادی کا ایک ریکارڈ تیار کیا جائے گا، جس سے آپسی اختلاف اور زمینی تنازعات کو نمٹانے میں آسانی ہوگی۔
