اس کے لیے سریش رینا نے میونسپل کارپوریشن کے ساتھ معاہدہ کیا ہے۔ غازی آباد میونسپل کارپوریشن Ghaziabad Municipal Corporation کی جانب سے شہر میں لینڈ مافیا سے پاک اراضی پر اسپورٹس کمپلیکس بنانے کی منصوبہ بندی کی گئی ہے جہاں سابق کرکٹر سریش رینا ابھرتے ہوئے کھلاڑیوں کو تربیت دیں گے۔
- غازی آباد میں 4 اسپورٹس کمپلیکس بنائے جائیں گے: Ghaziabad Sports Complex
میونسپل کارپوریشن نے شہر کے مختلف مقامات پر لینڈ مافیا کے قبضے سے قیمتی زمینیں بازیاب کروائی ہیں۔ متعلقہ اراضی پر عرصہ دراز سے ناجائز تجاوزات تھے۔ میونسپل کارپوریشن نے ناجائز تجاوزات سے پاک اراضی پر 4 اسپورٹس کمپلیکس بنانے کا فیصلہ کیا ہے۔ محکمہ کو 3 مقامات پر اسپورٹس کمپلیکس بنانے کی پیشکش بھی موصول ہوئی ہے۔
- تین مقامات پر پیشکش موصول ہوئی:
اب تک 3 مقامات پر اسپورٹس کمپلیکس کے لیے پیشکش موصول ہو چکی ہیں۔ اس میں راج نگر ایکسٹینشن میں 2 مقامات پر سابق کرکٹر سریش رینا کے ذریعہ اسپورٹس کمپلیکس تعمیر اور آپریشن کیا جائے گا نیز کراسنگ ریپبلک پر میسرز گاروشی انفرا پرائیویٹ لمیٹیڈ اس ذمہ داری کو سنبھالے گا۔ یہ زمین متعلقہ افراد کو 15 سال کی مدت کے لیے دی جائے گی۔ جہاں کرکٹ کے علاوہ دیگر کھیلوں کی تربیت کا بھی انتظام ہوگا۔
غازی آباد میونسپل کمشنر مہندر سنگھ تنور نے کہا کہ شہر میں اسپورٹس کمپلیکس شروع ہونے سے نوجوانوں کو کھیلوں کی طرف راغب کرنے میں مدد ملے گی۔ میونسپل کارپوریشن کو ریونیو ملے گا۔ اس کے علاوہ میونسپل کارپوریشن کی جانب سے لینڈ مافیا سے آزاد کرائی گئی زمین کا صحیح استعمال کیا جا سکتا ہے۔
انہوں نے کہا کہ 'یہ نئے سال میں کھلاڑیوں کے لیے کسی تحفے سے کم نہیں۔ نوجوانوں کو کھیلوں کے لیے مناسب سہولیات میسر ہوں گی۔
- نوجوانوں کو آگے بڑھنے کا موقع ملے گا:
غازی آباد کرکٹ ایسوسی ایشن کے چیئرمین راکیش مشرا نے کہا کہ میونسپل کارپوریشن کی جانب سے کھیلوں کو فروغ دینے کے لیے جو کام کیا جا رہا ہے وہ قابل ستائش ہے۔ شہر میں اسپورٹس کمپلیکس بننے سے کھلاڑی بہتر تربیت حاصل کر سکیں گے اور کرکٹ سمیت دیگر کھیلوں کو بھی فروغ ملے گا۔
