ڈی جے کے استعمال پرالہ آباد ہائی کورٹ کی پابندی مسترد

سپریم کورٹ نے اترپردیش میں ڈی جے کے استعمال پر مکمل پابندی سے متعلق الہ آباد ہائی کورٹ کا حکم مسترد کر دیا۔ جسٹس وینیت سرن اور جسٹس دنیش مہیشوری کی بینچ نے ڈی جے کے مالکان کی متعدد عرضیوں پر اس بابت الہ آباد ہائی کورٹ کا نومبر 2019 کا حکم مسترد کر دیا۔

غورطلب ہے کہ عدالت نے 18 نومبر کو ہائی کورٹ کے حکم پر پابندی لگا دی تھی اور متعلقہ افسران کو ڈی جے کی اجازت مانگنے پر قانون کے دائرے میں غوروخوض کرنے کی ہدایت دی تھی۔

عدالت نے کہا تھا کہ جب بھی ڈی جے کے استعمال کی اجازت کی عرضی دی جائے گی اور سب کچھ قانون کے دائرے میں ہے تو ہائی کورٹ کی ہدایات کے باجود متعلقہ افسران اجازت دیں گے۔

یو این آئی