سومن فاونڈیشن کے مطابق کوویڈ-19 کی وجہ سے رضاکارانہ طور پر خون کا عطیہ کرنے والے افراد دوسرے اضلاع جانے سے قاصر ہیں جس سے بلڈ بنکز میں خون کی کافی کمی پائی جارہی ہے۔
تنظیم کی کارکن شلپی سنگھ نے بتایا کہ کورونا کی وجہ سے خون کا عطیہ دینے والوں کو کافی مشکلات پیش آرہی ہیں۔ انہوں نے کہاکہ یہاں کے زیادہ تر حادثاتی واقعات میں زخمی افراد کو لکھنوں بھیجا جاتا جبکہ انہیں وہاں خون کی ضرورت ہوتی ہے اور وہ مقامی افراد سے خون کے عطیہ کی درخواست کرتے ہیں لیکن کوویڈ ضوابط کی وجہ سے یہاں کے رضاکار لکھنو جاکر خون کا عطیہ نہیں دے سکتے۔
سومن فاؤنڈیشن نے دعویٰ کیا کہ ان کے پاس 35 رضاکار افراد ہیں جو خون کا عطیہ کرنا چاہتے ہیں۔ شلپی سنگھ نے مزید بتایا کہ میمورنڈم میں ضلع مجسٹریٹ سے ضلع ہسپتال کے بلڈ بینک میں الگ سے انتظام کرنے کے بارے میں بھی یقین دہانی کرائی گئی ہے۔
