صوفی اسلامک بورڈ کے نیشنل سیکریٹری مفتی میر سید وسیم اشرف نے بتایا کہ ہمارے اس بورڈ کا تعلق کسی بھی سیاسی پارٹی سے نہیں ہے۔ ہمارے اس بورڈ کا کوئی بھی ممبر اور عہدے دار کسی بھی پارٹی میں جا سکتا ہے۔
ساتھ ہی انہوں نے بتایا کہ صوفی اسلامی بورڈ ان لوگوں کی مخالفت کرتا ہے، جو اسلام کو دہشت گردی کے نظریہ سے دیکھتے ہیں یا پھر اسلام کے ذریعہ عوام کو غلط پیغام دیتے ہیں۔
صوفی اسلامک بورڈ کے دوسرے نیشنل سیکریٹری کشش وارثی نے بتایا کہ صوفی اسلامک بورڈ ایک حسینی مشن پر عمل کرنے والا خانقاہ اور غیر سیاسی تنظیم ہے۔
ہمارا مقصد شیر خدا حضرت علی علیہ السلام اور حضرت امام حسین علیہ السلام ان کے 72 جانثار ساتھیوں نے میدان کربلا میں انسانیت اور صبر کا جو پیغام دیا، اس پیغام کو عام کرنا ہے۔
مزید پڑھیں:
لکھنؤ: عمر قید سزا یافتہ قیدیوں کا منفرد بینڈ
ہم ان تنظیموں اور این جی او کی مخالفت کرتے ہیں جو لوگوں کو بہکاوے میں لے کر اسلام کا غلط میسیج دیتے ہیں۔
