ریاست اترپردیش کے ضلع مظفر نگر میں بھوپا روڑ پر واقع ایس ڈی ڈگری کالج میں داخلہ نہیں لیے جانے کی وجہ سے طلباء و طلبات نے کالج میں زبردست ہنگامہ کرتے ہوئے سڑک کو جام کردیا اور سڑک پر بیٹھ کر احتجاج مظاہرہ کیا۔ اس کی اطلاع ملتے ہی نئی منڈی تھانہ علاقے کی پولیس نے موقع پر پہنچ کر طلبہ کو سمجھاتے ہوئے سڑک پر لگے جام کو ہٹا
یا۔
مظفرنگر کے بھوپا روڈ پر واقع ایس ڈی ڈگری کالج میں بی اے، بی ایس سی اور بی کام کے طلبا و طالبات کا داخلہ نہیں لینےکی وجہ سے طالب علموں نے زبردست احتجاجی مظاہرہ کیا۔
ان کا کہنا ہے کہ کالج انتظامیہ من مانی طریقے سے داخلہ کر رہی ہے، جن بچوں نے آفر لیٹر اور رجسٹریشن پہلے جمع کیا ہے، ان کا داخلہ نہیں کیا جارہا ہے، بلکہ ان بچوں کا داخلہ لیا جارہا ہے، جنہوں نے بعد میں آفر لیٹر جمع کروائے ہیں۔
مزید پڑھیں:'بی جے پی صرف اتسو منانے میں مشغول'
بچوں کا الزام ہے کہ داخلہ کے نام پر ہم سے سیلف ڈپارٹمنٹ پندرہ ہزار روپے مانگ رہا ہے۔ ہم چاہتے ہیں کہ جن بچوں کا پہلے آفر لیٹر رجسٹریشن ہوا ہے، ان بچوں کو پہلی ترجیح دی جائے اور کالج میں بیس فیصد سیٹوں کا اضافہ کیا جائے۔ اگر ہمارے مطالبات تسلیم نہیں کیے جاتےہیں تو ہم اس طرح ہی احتجاجی مظاہرہ کرتے رہیں گے۔
