لاک ڈاون میں اسکولوں کے بند ہونے کے بعد سے اردو، عربی کے ساتھ دینی تعلیم میں بھی بچوں کا رجحان پیدا کرنے کی کوشش کی گئی تھی لیکن ابھی تک یہ دائرہ گھروں تک محدود تھا۔دیکھیں ویڈیو
تیواری کیمپس میں سوسائٹی کے ذمہ داران نے آپسی تعاون سے اس سلسلے کو آگے بڑھاتے ہوئے کیمپس میں موجود مسجد میں ہی عربی تعلیم کے ساتھ مذہبی معلومات اور تربیت کے درس کی شروعات کر دی ہے۔
میرٹھ میں تیواری کیمپس سوسائٹی کے زیر اہتمام چلائے جا رہے اس تربیتی کیمپ کے ذریعے بچوں کو نہ صرف دینی معلومات حاصل ہو رہی ہے بلکہ اردو زبان سے بھی آراستہ ہورہے ہیں۔
طالب علموں کا کہنا ہے کہ انگریزی کی تعلیم تو اسکول میں مل جاتی ہے، لیکن اپنے دین و مذہب کی صحیح معلومات ہمیں اس کیمپ کے ذریعے حاصل ہو رہی ہے اور ساتھ ہی اپنی مادری زبان اردو کو بھی سیکھنے کا موقع مل رہا ہے۔
ملک میں لاک ڈاون نے ایک طرف جہاں عام زندگی کو متاثر کیا ہے۔ وہیں تعلیمی نظام کو بھی درہم برہم کر دیا ہے، ایسے میں کیمپس سوسائٹی کے زیر اہتمام چلائےجا رہے اس تربیتی کیمپ سے بچوں کو نا صرف دینی تعلیم حاصل ہو رہی ہے بلکہ اردو زبان کو بھی سیکھنے کا موقع مل رہا ہے۔
مزید پڑھیں:
غازی آباد: فائنانس کمپنی کے خلاف مسلمانوں کا احتجاج
ضرورت ہے دوسری سوسائٹیز میں بھی اس طرح کے کیمپ کا اہتمام کیا جائے تاکہ نئی نسل میں علم کی شمع کو روشن کیا جا سکے۔
