مرادآباد: ہفتہ واری لاک ڈاؤن کو لےکر پولیس کی سخت چیکنگ

اترپردیش کے ضلع مرادآباد میں ہفتہ واری لاک ڈاؤن کو لےکر پولیس کی سخت چیکنگ جاری ہے اور ہر آنے جانے والی گاڑی کو روک کر پوچھ گچھ کی جارہی ہے۔ ماسک لگانے، ہیلمٹ پہننے اور کورونا سے بچنے کے لیے پولیس عوام کو احتیاطی تدابیر کے بارے میں بھی بتا رہی ہے۔

ریاست اترپردیش کے وزیر اعلی یوگی آدتیہ ناتھ کے حکم پر ریاست بھر میں ہفتہ واری دو دن سنیچر اور اتوار کو پوری ریاست میں لاک ڈاؤن نافذ رہے گا۔

آج ضلع مرادآباد میں ای ٹی وی بھارت کے نمائندے نے مختلف جگہوں پر لاک ڈاؤن کا جائزہ لیا۔ مرادآباد کے ڈپٹی گنج چوراہے پر پولیس کی طرف سے چیکنگ کی جا رہی ہے۔ جو لوگ ایمرجنسی یا اجازت کے ساتھ مریض کے علاج کے لیے ڈاکٹر کے یہاں جا رہے ہیں ان لوگوں کو آنے اور جانے کی اجازت دی جا رہی ہے۔ ماسک لگانے، ہیلمٹ پہننے اور کورونا سے بچنے کے لیے پولیس عوام کو احتیاطی تدابیر کے بارے میں بھی بتا رہی ہے۔

ہفتہ واری لاک ڈاؤن کو لےکر پولیس کی سخت چیکنگ

لاک ڈاؤن کے دوران گھر سے باہر نکلنے والوں سے پولیس مسلسل پوچھ گچھ کر رہی ہے۔ بے وجہ گھر سے باہر نکلنے والے لوگوں کے خلاف پولیس سخت کاررواہی کر رہی ہے۔ یہاں پر ہفتہ واری لاک ڈاؤن کا اثر صاف طور پر دیکھا جا سکتا ہے۔