ریاست اتر پردیش کے بارہ بنکی میں آل انڈیا پسماندہ مسلم محاذ کے ریاستی صدر وسیم راعین نے کہا کہ ہم پیغمبر اسلام حضرت محمد مصطفیٰ صلی اللہ علیہ سلم کے پیروکار ہیں تو ہمیں ان کے کردار کو بھی سمجھنا چاہیے، انہوں نے کہا کہ حضور نے تمام صعوبتیں برداشت کیں،لیکن کبھی تشدد کا راستہ نہیں اپنایا،انہوں کہا ہم ایک ایسے ملک میں رہتے ہیں جہاں تمام مذاہب کے لوگ ایک دوسرے کے دکھ درد میں شریک ہوتے ہیں، لیکن ادئے پور کے واقعہ سے ہماری آپسی فرقہ وارانہ ہم آہنگی پر تو اثر پڑے گا ہی، اس کے علاوہ اس سے مسلمانوں کی شبیہ بھی خراب ہوگی۔
Demand for Strict Action Against the Accused
وسیم راعین نے راجستھان حکومت سے مطالبہ کیا ہے کہ وہ کنہیہ کے قتل کے ملزمین کے خلاف سخت کاروائی کی جائے، انہوں نے کہا کہ کنہیہ کے بیہمانہ قتل کی جتنی بھی مذمت کی جائے وہ کم ہے،انہوں نے کہا کہ اسلام ہمیں تشدد کی اجازت نہیں دیتاہے،انہوں نے کہا کہ ان دونوں ملزمین کی اس حرکت سے پوری دنیا میں مسلمانوں کی شبیہ خراب ہوئی ہے ۔
مزید پڑھیں:Reactions on Udaipur Murder Case: ادے پور قتل معاملہ پر متعدد مذہبی و سیاسی رہنماؤں کا ردعمل
انہوں نے تمام پسماندہ سماج کے لوگوں سے اپیل کی ہے کہ وہ آپسی یکجہتی کو برقرار رکھنے کی مکمل کوشش کریں، اور ایسی واردات کی سخت مذمت کریں۔
