بجنور: پولیس پر پتھراؤ، ایک زخمی

بجنور میں ہسٹری شیٹر کو پکڑنے گئی پولیس پر خاندان کے افراد نے اچانک پتھراؤ کر دیا۔ جس میں ایک پولیس اہلکار زخمی ہوگیا۔ وہیں، باقی پولیس اہلکاروں نے بھاگ کر جان بچائی۔ پولیس نے ایک پتھر باز کو گرفتار کرکے جیل بھیجنے کی قواعد میں جٹ گئی ہے۔

ریاست اترپردیش کے ضلع بجنور کے تھانہ چاندپور کے علاقے کے گاؤں صبدلپور رہرہ میں شمشاد عرف پٹھو ہسٹری شیٹر کو پولیس کی ٹیم پکڑنے گئی تھی۔ اسی دوران شمشاد پولیس کو چکمہ دے کر فرار ہوگیا، جبکہ مشتعل شمشاد کے اہل خانہ نے پولیس پر پتھراؤ کر دیا، جس میں ایک پولیس اہلکار زخمی ہوگیا۔

بجنور میں ہسٹری شیٹر کو پکڑنے گئی پولیس پر پتھراؤ

دوسری طرف پولیس نے سات معلوم و چار نامعلوم افراد کے خلاف مقدمہ درج کرلیا ہے، جبکہ ایک پتھر باز کو پولیس نے گرفتار کر لیا ہے اور اسے جیل بھیجنے کی قواعد میں جٹ گئی ہے۔