اتر پردیش مدرسہ تعلیمی بورڈ لکھنؤ نے مدرسہ بورڈ کے امتحان میں نمایاں کامیابی حاصل کرنے والے طلبا و طالبات کو دیگر انعامات سے نوازا ہے۔ اس علاوہ مدرسہ تعلیم کو بہتر بنانے کے لیے ایک ڈیجیٹل اپلیکیشن ایم ای ایل اے(میلا) کو بھی لانچ کیا ہے۔ UP Madarsa Board launches digital application
اس حوالے سے اتر پردیش حکومت میں حج اوقاف کے وزیر مملکت دانش آزاد نے ای ٹی وی بھارت سے خاص بات چیت میں بتایا کہ مدرسہ تعلیمی نظام کو بہتر بنانے کے لیے ریاستی حکومت کوشاں ہے۔ انہوں نے کہا کہ یوگی حکومت کی دوسری مدت کار کے 100 دن مکمل ہونے سے قبل ہی مدرسہ کے تعلیمی نظام کو بہتر بنانے کے لیے ڈیجیٹل اپلیکیشن لانچ کر دیا ہے اور آنے والے 6 ماہ میں مدارس کے نصاب میں بھی بڑی تبدیلیاں کی جائیں گی جس میں ملک کے لیے قربانی دینے والے عظیم مجاہدین آزادی کی حیات و خدمات بھی پڑھائی جائیں گی۔ UP Madarsa Board of Education Lucknow
دانش آزاد نے کہا کہ مدرسہ بورڈ کے سسٹم میں جو بھی خامیاں ہیں ان کو دور کیا جائے گا۔ طلبا و طالبات کو کسی بھی قسم کی پریشانی نہیں ہونے دی جائے گی اور نصف جولائی تک مدرسہ بورڈ کے نتائج کا اعلان کر دیا جائے گا۔ سبھی تیاریاں مکمل کرلی گئی ہیں۔
