وقت بدلا دور بدلا اور بدل گئی سیاست۔ اس موضوع پر اتر پردیش کے سینیئر وکیل ایڈووکیٹ دیش راج شرما نے ای ٹی وی بھارت Special talk with Etv Bharat سے خصوصی گفتگو کرتے ہوئے کہا کہ ایک وقت تھا جب سیاست میں ایماندار اور عوام کی بھلائی کے کام کرنے والے لیڈر ہوا کرتے تھے لیکن وقت بدلا دور بدلا تو سیاست بدل گئی اب پہلے جیسے سیاسی لیڈر نہیں ہوتے۔
اگر پہلے کی بات کی جائے تو سیاسی پارٹیاں اچھے اور ایماندار لوگوں کو اپنا امیدوار بناتی تھیں لیکن آج ہر کوئی اپنے گھر کے نمائندے کو ہی امیدوار بناتا ہے۔ پہلے کے سیاسی لیڈر کچے مکانوں میں رہتے تھے اور عوام کی خدمت کرتے تھے لیکن آج کے سیاسی لیڈر اپنے کچے مکانوں کو کوٹھی بنا لیتے ہیں اور عوام ان کوٹھیوں کے چکر لگاتی رہتی ہے۔
یہ بھی پڑھیں: Meet Moradabad Express Zainul Abedin: ورلڈ ریکارڈ ہولڈر زین العابدین سے خصوصی گفتگو
انہوں نے کہا کہ آج کی سیاست مطلبی ہو چکی ہے مدد کی بات ہر پارٹی کرتی ہے لیکن عوامی مسائل حل کرنے کے لئے کوئی پارٹی آگے نہیں آتی۔
انہوں نے کہا کہ تعلیم یافتہ نوجوانوں کو سیاست میں آنا چاہیے تبھی ملک کی ترقی ہو سکتی ہے۔
