مرادآباد: بنکروں کی پریشانیوں کو دور کرنا میری اولین ترجیح: رئیس الدین

اگر عوام مجھے رکن اسمبلی بناتی ہے تو میری اول ترجیح بنکروں کی پریشانیوں کو دور کرنا اور ان کے کاروبار کو فروغ دینا ہے۔

اتر پردیش 2022 اسمبلی انتخابات کو لے کر ای ٹی وی بھارت کے نمائندے نے ریاست اتر پردیش کے ضلع مرادآباد کے کانٹھ اسمبلی سے آل انڈیا مجلس اتحاد المسلمین پارٹی سے ضلع پنچایت ممبر اور ممکنہ امیدوار رئیس الدین سے خاص بات چیت کی۔

رئیس الدین نے ای ٹی وی بھارت سے خاص بات چیت کے دوران بتایا کہ 'ضلع پنچایت ممبر بننے کے بعد میں نے اپنے کانٹھ علاقے میں بہت کم وقت میں کئی ترقیاتی کام کرائے ہیں۔'

ضلع پنچایت ممبر اور آل انڈیا مجلس اتحاد المسلمین کے ممکنہ امیدوار رئیس الدین نے مزید کہا کہ 'اسمبلی کانٹھ کا سب سے پرانا کام بنکر کا ہے یہاں پر بینڈیڈ پٹّی بنانے کا کام سب سے پرانا ہے اور یہاں کے بنکروں کا مطالبہ ہے کہ ان کو سستے ریٹ پر بجلی مہیّا کرائی جائے۔'

رئیس الدین نے کہا 'اگر عوام مجھے رکن اسمبلی بناتی ہے تو میری اول ترجیح بنکروں کی پریشانیوں کو دور کرنا اور ان کے کاروبار کو فروغ دینا ہے۔'