رمضان المبارک کے تیسرے عشرے اور اعتکاف سے متعلق علمائے دین سے خاص بات چیت

رمضان المبارک کا پہلا رحمت کا عشرہ 10 ویں روزے تک رہتا ہے اور ماہ رمضان کا دوسرا عشرہ یعنی مغفرت کا عشرہ دسویں روزے سے بیسویں روزے تک رہتا ہے اور آج سے رمضان المبارک کا تیسرا عشرہ شروع ہو جائے گا اس میں لوگ اپنی جہنم سے نجات کی دعائیں اللہ تعالی سے کرتے ہیں۔

ریاست اترپردیش کے ضلع مظفرنگر میں ای ٹی وی بھارت نے حوض والی مسجد کے امام و خطیب قاری محمد حذیفہ قاسمی، مدرسہ محمودیہ سروٹ مظفرنگر کے استاد مفتی محمد زاہد اور جمعیت علمائے ہند کے مغربی اترپردیش کے جنرل سیکریٹری قاری ذاکر حسین صاحب سے رمضان المبارک کے تیسرے عشرے کی فضیلت اور اعتکاف سے متعلق خاص بات چیت کی۔

رمضان المبارک کا مقدس مہینہ چل رہا ہے اس ماہ کے تین عشرے ہوتے ہیں پہلا عشرہ رحمت کا ہوتا ہے، دوسرا عشرہ مغفرت اور تیسرا عشرہ جہنم سے نجات کا ہوتا ہے۔

رمضان المبارک کا پہلا رحمت کا عشرہ 10 ویں روزے تک رہتا ہے اور ماہ رمضان کا دوسرا عشرہ یعنی مغفرت کا عشرہ دسویں روزے سے بیسویں روزے تک رہتا ہے اور آج سے رمضان المبارک کا تیسرا عشرہ شروع ہو جائے گا اس میں لوگ اپنی جہنم سے نجات کی دعائیں اللہ تعالی سے کرتے ہیں۔

ماہ رمضان کے ان تینوں عشروں میں ایک عشرا دس دن کا ہوتا ہے پہلا عشرہ پہلے رمضان سے شروع ہوکر 10 رمضان تک ہوتا ہے اور دوسرا عشرا 11 روزے سے لے کر بیس روز تک رہتا ہے اور تیسرا عشرہ اکیسویں رمضان سے شروع ہوکر آخری رمضان تک رہتا ہے۔

ماہ رمضان کا تیسرا اور آخری عشرہ جہنم کی آگ سے نجات کا ہے اس عشرے میں ہزاروں راتوں میں سب سے مقدس رات لیلۃ القدر بھی ہے۔ اس لیے اس کو لیلۃالقدر کا عشرہ بھی کہا جاتا ہے ۔اس عشرے میں جہنم سے نجات پانے کے لیے اللہ تعالی کی بارگاہ میں خصوصی دعائیں کرتے ہیں۔