شاہ ثقلین اکیڈمی آف انڈیا کے قومی صدر حاجی ممتاز میاں کا کہنا ہے کہ بدایوں ضلع کے صدر دفتر کا افتتاح قصبہ ککرالہ میں کیا گیا ہے۔
انہوں نے کہا کہ اکیڈمی کا مقصد سماج میں فلاح و بہبود کی سرگرمیاں انجام دینے کے ساتھ ساتھ آنے والے دنوں میں اپنے مقصد کے تحت غرباء کی امداد اور معاشرہ کے غریب گھرانوں لڑکیوں کی امداد اور شادی کرانی ہے۔
سماجی امور پر بات کرتے ہوئے حاجی ممتاز میاں کا کہنا ہے کہ ہمیں جمہوریت کے دائرہ میں رہتے ہوئے ظلم کے خلاف اپنی آواز کو بلند کرنا چاہیے۔
انہوں نے مزید کہا کہ ملک کے دستور اور مقرر کردہ اصولوں کے دائرہ میں رہ کر ہی اپنے بھائی کا ساتھ دیتے ہوئے سچائی کی طرف آگے بڑھنا چاہیے۔
انہوں نے مزید کہا کہ گزشتہ سال اکیڈمی کی طرف سے ضلع بدایوں میں تقریباً 67 جوڑوں کی شادیاں کرائی گئیں۔ یہ دلہا اور دلہن ان غریب گھرانوں سے تعلق رکھتے تھے کہ جن کے پاس شادی کے لیے اخراجات کی کمی تھی۔
انہوں نے کہا کہ ضلع کے ہیڈ آفس کی ابتداء حضرت شاہ محمد ثقلین میاں نے کی تھی اور شاہ ثقلین میاں حضور درگاہ شرافت بریلی شریف اور درگاہ شجاعت ککرالہ شریف کے ذمہ دار، سرپرست و سجادہ نشین ہیں۔
مزید پڑھیں:جونپور: معروف شاعر شہزاد کلیم سے خصوصی بات چیت
واضح رہے کہ شاہ ثقلین اکیڈمی آف انڈیا یا کا مرکز درگاہ شرافت بریلی میں ہے اور اکیڈمی کے ضلعی سطح کے اعتبار سے مختلف دفاتر ہیں۔ ایسا ہی ایک دفتر چند روز قبل ضلع بدایوں کے قصبہ ککرالہ میں شروع کیا گیا تھا۔
