ریاست اترپردیش اسمبلی میں اپوزیشن رہنما رام گووند چودھری نے کہا کہ ریاست میں سماجوادی پارٹی (ایس پی) کے برسراقتدار آنے کے بعد شہریت ترمیمی قانون (سی اے اے 2019) کی مخالفت کرنے والوں کو 'آئین کے محافظ' کے طور پر پینشن دی جائے گی۔
انہوں نے یو این آئی سے گفتگو کرتے ہوئے مرکزی اور ریاستی حکومتوں کو ہدف تنقید بنایا اور کہا کہ حکومت بنی تو بنگلہ دیشیوں کو باہر نکالا جائے گا۔
انہوں نے کہا کہ اترپردیش میں ایس پی نے سی اے اے کے خلا ف احتجاجی مظاہرہ کیا ہے کانگریس نے نہیں! انہوں نے الزام عائد کیا کہ میڈیا اہم حذب مخالف (ایس پی) کو نقصان پنچانے کے لیے پرینکا اور کانگریس کو بڑھاوا دے رہی ہے۔
خیال رہے کی دونوں ایوانوں سے شہریت ترمیمی بل پاس ہونے کے بعد اب یہ قانون بن چکا ہے۔ اس قانون کی ملک بھر میں مخالفت ہو رہی ہے۔ ملک بھر میں مسلمانوں کے علاوہ دیگر برادری کے لوگ بھی اس قانون کی مخالفت کر رہے ہیں۔
دہلی میں واقع جامعہ ملیہ اسلامہ اور شاہین باغ میں اب بھی اس قانون کے خلاف احتجاج ہو رہے ہیں۔
مغربی بنگال، کیرالہ اور دیگر ریاستیں شہریت قانون کی مخالفت کر رہی ہیں۔ ان کا کہنا ہے کہ وہ اپنے یہاں اس قانون کو نافظ نہیں کریں گی۔
