بہن نے کیا بڑے بھائی کا قتل

ضلع اٹاوہ میں ایک سنسنی خیز واردات میں بہن نے اپنے بڑے بھائی کا قتل کردیا، پولیس اسٹیشن پہنچ گئی اور اپنے جرم کا اعتراف کیا۔

ریاست اتر پردیش کے ضلع اٹاوہ کے ستی محلے میں منگل کی دیر رات ایک لڑکی نے نامعلوم وجوہات کی بنا پر اپنے بڑے بھائی کا قتل کردیا اور کوتوالی پہنچ کر اس نے اپنے جرم کا اعتراف کیا۔ پولیس نے نوجوان کے والدین کو فوری طور پر واقعے کی اطلاع دی۔ پولیس نے بتایا کہ 'واقعہ کے وقت والدین گھر میں موجود نہیں تھے۔ وہیں پولیس نے مقدمہ درج کرکے تفتیش شروع کردی ہے۔

اٹاواہ میں بہن نے بڑے بھائی کا قتل کیا

ملزم لڑکی نے اپنے بھائی پر چاقو سے کئی بار حملے کیے اور اس کا سر پتھر سے کچل دیا۔ اس کے بعد کوتوالی جاکر اس نے اپنے جرم کا اعتراف کیا۔ فی الحال ابھی تک قتل کی وجوہات کا پتہ نہیں چل سکا ہے۔

نوجوان کے اہل خانہ نے بتایا کہ 'گھر میں 6 افراد رہتے ہیں۔ انہیں رات کے وقت واقعے کی اطلاع ملی۔ انہوں نے بتایا کہ 'ان کے بیٹے کو زخمی حالت میں سیفائی میں داخل کرایا گیا تھا لیکن ان کے پہنچنے سے پہلے ہی دم توڑ گیا۔