ریاست اترپردیش کے شہر علی گڑھ واقع علی گڑھ مسلم یونیورسٹی کے بانی سر سید احمد کے 202 ویں یوم پیدائش پر 'سرسید ہاؤس' میں سرسید کی کتابوں اور تصویروں کی نمائش کا اہتمام کیا گیا۔
نمائش کا افتتاح یونیورسٹی کے وائس چانسلر پروفیسر طارق منصور نے کیا، سرسید سید کی کتابوں اور تصویروں کی نمائش کے ساتھ ساتھ یونیورسٹی کی قدیم تصویر کی نمائش بھی کی گئی۔
سرسید کی لکھی ہوئی اور سرسید پر لکھی گئی اردو، انگلش، عربی اور دیگر زبانوں میں کی کتابوں کی نمائش بھی کی گئی۔
یونیورسٹی رجسٹرار عبدالحمید نے بتایا سرسید احمد خاں کی یوم پیدائش نہ صرف علیگڑھ، میں بلکہ ملک سمیت پوری دنیا میں منائی جاتی ہے، سرسید سید احمد خاں کی یوم پیدائش منانے کا مقصد سرسید کی بتائی ہوئی باتوں کو دوبارہ یاد کرنا اور اپنی زندگی میں لانے کی کوشش کرنا ہے۔
سرسید نے آج سے 150 برس قبل کہا تھا 'مسلمان کے ایک ہاتھ میں قرآن اور دوسرے ہاتھ میں سائنس ہو، جبکہ سر پہ لاالہ الااللہ کا تاج ہو۔
یونیورسٹی رجسٹرار نے بتایا سید کے 202 کی یوم پیدائش پر مہمان خصوصی ڈاکٹرفرینک اسلام ہیں جو بھارتی نزاد امریکی شہری ہیں، ڈاکٹرفرینک اسلام بھی اے ایم یو کے اولڈ بوائز ہیں اور ان کا تعلق اترپردیش کے اعظم گڑھ سے ہے۔
نمائش میں یونیورسٹی پرو وائس چانسلر پروفیسر اختر حسیب، یونیورسٹی رجسٹرار عبدالحمید، یونیورسٹی پروکٹر عفیف اللہ، پی آر او عمرسلیم پیرزادہ، یونیورسٹی کے دیگر عہدیداران نے اس تقریب میں شرکت کی۔
