اسٹوڈنٹ اسلامک آرگنائزیشن آف انڈیا نے کانپور کے گلشن میریج ہال میں ایک تقریب کا انعقاد کیا، جس میں اسٹوڈنٹ اسلامک آرگنائزیشن کے قومی صدر نے طلباء کو انعامات تقسیم کیے۔
اسٹوڈنٹ اسلامک آرگنائزیشن کی کانپور یونٹ نے بارہ ربیع الاول کے موقع پر سیرت النبی کو عام کرنے کے مقصد سے مدارس اور اسکول کے طلباء اور نوجوانوں کے لیے سترہ اکتوبر کو ایک سیرت کوئز کمپٹیشن کرایا تھا۔ سیرت کوئز کمپٹیشن میں شرکت کرنے والے طلبا کو سیرت النبی کے موضوع پر تمام لٹریچر مہیا کرایا گیا تھا۔
سیرت کوئز کمپیٹیشن کو کرانے کا مقصد صرف یہ تھا کہ نئی نسل میں محمد صلی اللہ علیہ وسلم کی سیرت کا حقیقی علم عام ہوجائے تاکہ وہ اپنی زندگی سیرت کے مطابق گزار سکیں۔
اس کمپٹیشن میں تقریباً 1000 بچوں نے شرکت کی تھی جس میں 600 سے زائد بچے پاس ہوئے، اول دوم اور سوم آنے والے بچوں کو ٹرافی میڈل اور نقد انعام سے نوازا گیا، میریٹ میں آنے والے تمام بچوں کو بھی انعامات سے نوازا گیا۔
- یہ بھی پڑھیں: Lakhimpur Kheri Violence: لکھیم پور تشدد پر سپریم کورٹ نے اترپردیش حکومت کو پھٹکار لگائی
اس موقع پر برادر محمد سلمان نے خطاب کرتے ہوئے محمد صلی اللہ علیہ وسلم کی سیرت کا تفصیل سے ذکر کیا۔ انہوں نے کہا کہ حالات حاضرہ میں محمد صلی اللہ علیہ وسلم کے اخلاق اور کردار کو اپنی زندگی میں ڈھال کر پیش کرنے سے ملک کے اندر امن و چین اور سکون پیدا ہوسکتا ہے۔
