کوتوالی سیکٹر-49 پولیس نے گذشتہ ہفتے سیکٹر-50 میٹرو اسٹیشن کے قریب مالی کو گولی مار کر زخمی کرنے کے واقعہ کا انکشاف کرتے ہوئے دو ملزمین کو گرفتار کیا ہے۔ یہ معاملہ عشق و معاشقہ کا نکلا۔
مالی کی بیٹی کے عاشق نے اپنے ایک دوست کے ساتھ مل کر اس واردات کو انجام دیا۔ ملزم نوجوان اپنی معشوقہ کی شادی کا فیصلہ کہیں اور کرنے پر لڑکی کے والد سے ناراض تھا۔ اس لیے اس نے لڑکی کے والد کو ہی راستہ سے ہٹانے کی کوشش کی لیکن ناکام رہا۔
گرفتار ملزم کا ایک ساتھی فرار ہے۔ پولیس نے ملزمان سے واردات میں استعمال ہونے والی موٹرسائیکل برآمد کرلی ہے۔
واضح رہے کہ 14 اپریل کو موٹرسائیکل پر سوار دو شرپسندوں نے کرشن کمار کو سیکٹر-50 میٹرو اسٹیشن کے قریب گولی مار دی تھی۔
مالی کی اہلیہ کی شکایت پر یہ رپورٹ کوتوالی سیکٹر-49 میں درج کی گئی تھی۔ تفتیش کے دوران پولیس نے سیکٹر-76 میٹرو اسٹیشن کے قریب ہوشیار پور کے رہائشی راہل اور مورنا کے رہائشی پرویندر کو گرفتار کیا۔
ملزم راہل نے کہا کہ وہ اور کرشنا کی بیٹی ایک دوسرے سے محبت کرتے ہیں۔ کرشنا نے اپنی بیٹی کی شادی بریلی میں طے کی ہے۔
اس سے ناراض ہوکر اس نے اپنے دوست پرویندر اور انکیت کے ساتھ مل کر کرشنا کو گولی مار دی تھی۔ کرشنا کو مردہ سمجھ کر ملزم فرار ہوگئے۔ پولیس کا کہنا ہے کہ گاؤں سورکھا کا رہائشی انکت ابھی تک فرار ہے۔ جلد ہی اسے بھی گرفتار کرلیا جائے گا۔
