نوئیڈا میں کسان تحریک اور دیگر مسائل کے سامنے کورونا کا خوف ختم ہوتا جارہا ہے، اس کے پیش نظر گزشتہ 24 گھنٹوں کے دوران ضلع میں کورونا کے 7 نئے مریضوں کی تصدیق ہوئی ہے۔
اس ضمن میں ضلع انتظامیہ کی جانب سے موسمی امراض اور کورونا وائرس سے تحفظ کے لئے متعدد آگاہی پروگرام چلایا جارہا ہے۔
عوام کو کورونا وائرس سے محفوظ رکھنے اور دیگر بیماریوں کو روکنے کے لئے ڈی ایم سہاس ایل وائی کی ہدایت پر پنچایت راج آفیسر کنور سنگھ یادو اور ان کی محکمہ صفائی ٹیم کی جانب سے بلاک سطح پر تشہیر کو یقینی بنایا جارہا ہے۔
مزید پڑھیں:
کسانوں کا مذاق اڑانے والے محب وطن نہیں ہوسکتے: پرینکا
اس سلسلے میں چیف ڈیولپمنٹ آفیسر انل کمار سنگھ نے بتایا کہ پنچایت راج محکمہ کے توسط سے یہ پروگرام ضلع کے تمام دیہی علاقوں میں چلایا جارہا ہے اور دیہی علاقے کے لوگوں کو آگاہ کرنے کے لئے کارروائی کی جارہی ہے تاکہ دیہی علاقوں میں کورونا وائرس کے انفیکشن اور دیگر ہونے والی بیماریوں سے تحفظ فراہم کیا جا سکے۔
